مئےسبا، درّیٔن سباه اِن

                          رؤچ ئه کنت انگت شپا:

 :   

چے گوشُن من چه سباهئے کؤشاجئوریٔن رؤزگار!

گؤن وتی سیاهیٔن زبانا، گوش بدا گؤشان بدار  

هرشپ استارے چه مئے آسمانا کشّ اَنت وپدا

گمزدیٔـــن اے آسمان پُراِنت چــــــه استاراِ  بچار 

دست ئه جنت زالــم که بلکیٔن لهڑئے توپّانیٔن رها

بست ئه کنت آ دائما گـــؤن لِــــــڈّ و هاشاک و پَتار

آکُشیت مُرگا نزانت هئیکانی بازیٔن چؤن بکنت؟

تالب اَنت چورگ سباهئےبانزئه بنت باندا بچار!

بژن واپسؤاِنت سبا جانا که اے جنگئے پڑا

چــــؤکه (کِنثے) دشمنا جَت کرتئی ما را داگــدار۱

چے گوشُن مان کئومئے شه راهاچه استادا گلّیٔن

آکجام درّیٔن مِسال اِنت بیت نوابئے در شمار؟

هنچـــؤ مؤراَت کسّهانی شُت په بُرزیٔن کنڈگان۲

تان(زبانئے آکبت) رؤشن ببیت مان رؤزگار

نون بنال میران اتایی(سر وتیگ و سنگ وتی)۴

زهم پرے کؤشا دودیٔم اَت دشمنئے زنگیٔن سگار

۱.کِنٹkent': یک گلڈیٔن سنگے که چُک، مان (کنٹیئے) لئیبا ،مان دلگاه ایٔر ئه کننت و گؤن دگه سنگے آییا جننت.

۲-کسّهان اِنت که : مؤر په وتی رؤزیگئے سر کنگا هزار رند جُهد ئه کنت و تان په مکسودئے سر منزلا مرسیت، چه وتی جهدا دستکشّ ئه نبیت.

۳-مکسد :سباجانئے بلؤچی کتاب (بلؤچی زبانئے آکبت)

۴-اتایی: مکسد (اتاشاد) شائراِنت وآیئۓ اے شئیر که : سر وتی سنگ وتی

                                                ازیز بلؤچ جون ۲۰۱۱ سوئد